Trashëgimia e Ndërmarrjes Shoqërore Rilindja në kujtesën kulturore shqiptare
Sesioni shkencor
Në kuadër të Javës së Bibliotekës, edicioni i 23-të, e cila do të mbahet duke filluar më 28 shtator 2026, Biblioteka Kombëtare e Kosovës organizon simpoziumin me titull “Trashëgimia e Ndërmarrjes Shoqërore Rilindja në kujtesën kulturore shqiptare”. Ky aktivitet i dedikohet rolit intelektual, kulturor dhe trashëgimor të Ndërmarrjes Shoqërore Rilindja në kujtesën kolektive shqiptare.
Me këtë rast, Biblioteka Kombëtare e Kosovës fton ish-punonjës të Rilindjes, studiues, hulumtues, akademikë, bibliotekarë, arkivistë, gazetarë, juristë dhe të gjithë të interesuarit të paraqesin propozime për kumtesa.
Simpoziumi synon të krijojë një platformë diskutimi mbi trashëgiminë e Rilindjes, me qëllim të dokumentimit, studimit dhe promovimit të kësaj trashëgimie të rëndësishme intelektuale.
Temat e propozuara për kumtesa përfshijnë :
- Shtypi si dialog me botën e jashtme: Rilindja si zë i shqiptarëve të Kosovës gjatë periudhës së Jugosllavisë;
- Trashëgimia dokumentare e shtypit në identitetin kulturor;
- Shtypi si formë e rezistencës intelektuale dhe kulturore;
- Shtypi si arkiv i kujtesës kolektive;
- Shtypi si hapësirë e rezistencës simbolike dhe e prodhimit të vetëdijes kulturore përmes gjuhës së shkruar.
Paraqitja e kumtesave
Të interesuarit ftohen të dërgojnë:
- Titullin e kumtesës
- Një abstrakt prej 200 – 300 fjalësh
- Një biografi të shkurtër profesionale (deri në 100 fjalë)
Afati për paraqitjen e abstrakteve: 30.07.2026
Adresa për aplikim: Info.BKK@rks-gov.net