Biblioteka Kombëtare e Kosovës “Pjetër Bogdani” (BKK), në kuadër të misionit të saj për zhvillimin dhe avancimin e bibliotekarisë, si dhe përmirësimin e shërbimeve bibliotekare në përputhje me standardet bashkëkohore, shpall thirrje publike për mbështetje financiare të projekteve të organizatave joqeveritare (OJQ) për vitin 2026.
Qëllimi i thirrjes
Kjo thirrje synon mbështetjen e projekteve që kontribuojnë në avancimin e praktikave profesionale në bibliotekari, modernizimin dhe standardizimin e shërbimeve bibliotekare, rritjen e qasjes në informacion përmes teknologjive të reja, si dhe përmirësimin e përvojës së përdoruesve të bibliotekave.
Në kuadër të kësaj thirrjeje do të mbështeten vetëm projektet në temat e mëposhtme:
- Përkthimi i literaturës profesionale mbi Klasifikimin Decimal Universal (UDC)
Kjo temë përfshin përkthimin dhe përshtatjen në gjuhën shqipe të literaturës bazë mbi UDC:
- UDC Universal Decimal Classification: Volume 1 – Systematic Tables
- UDC Universal Decimal Classification: Volume 2 – Alphabetical Index
- Biblioteka dhe inteligjenca artificiale – Asistenti virtual informativ
Zhvillimi i një asistenti virtual (chatbot) në gjuhën shqipe dhe angleze për ofrimin e informacionit mbi shërbimet, orarin, aktivitetet dhe rregulloren e bibliotekës, si dhe për orientimin e përdoruesve.
Kritere të përgjithshme
- Të jenë të qarta, të realizueshme dhe të strukturuara mirë;
- Të kontribuojnë në zhvillimin e shërbimeve bibliotekare dhe/ose kapaciteteve profesionale;
- Të ofrojnë zgjidhje konkrete dhe të përdorshme për publikun;
- Të jenë në përputhje me standardet bashkëkohore dhe përdorimin e teknologjisë;
- Të parashohin rezultate të matshme dhe të qëndrueshme.
Të drejtë aplikimi
Të drejtë aplikimi kanë të gjitha organizatat joqeveritare të regjistruara në Republikën e Kosovës që veprojnë në fushën e përkthimit, bibliotekarisë, digjitalizimit të shërbimeve, edukimit dhe zhvillimit profesional.
Buxheti
Shuma maksimale e mbështetjes financiare për një projekt është deri në 10,000 €.
Afati për aplikim
Afati për aplikim është 30 ditë nga publikimi i thirrjes, deri më 6 qershor 2026, ora 15:00.
Aplikacionet e dorëzuara pas këtij afati nuk do të pranohen.
Dokumentacioni i thirrjes:
Formulari-1-Thirrja për aplikim_2026
Formulari-2-Udhëzimet për aplikantët_2026
Formulari-3-Deklarata e paanësisë konfidencialitetit dhe shmangies së konfliktit të interesit_2026
Formulari-4-Aplikacion për projekt për OJQ_2026
Formulari-5-Forma e buxhetit_2026
Formulari-6-DEKLARATË MBI FINANCIMIN E DYFISHTË_2026
Formulari-7-DEKLARATA E PARTNERITETIT_2026
Formulari-8-Deklaratë mbi projektet e financuara nga burimet publike në dy vitet e fundit_2026
Formulari-9-DEKLARATË MBI AKTIVITETET E PERSHKRUARA TË PROGRAMIT TË PROJEKTIT_2026